1934 ജൂൺ 18ന്  മകം നക്ഷത്രത്തിൽ സ്വാമി ജനിച്ചു. കൃഷ്ണൻ എന്ന് ചെല്ലപ്പേര്,  അപ്പു എന്ന് റിക്കോർഡിൽ പേര്, ആലയിൽ സ്വാമി എന്ന് ഭക്തർ സ്നേഹപൂർവ്വം വിളിച്ചു… ഇപ്പോൾ ചിന്താലയേശൻ  എന്ന് ഭക്തർ സ്മരിക്കുന്നു.. 87 വയസ്സ് തികഞ്ഞത് 2021 ജൂൺ 18ന് ആയിരുന്നു . ജൂൺ 22 2021ന് ബ്രാഹ്മമുഹൂർത്തത്തിൽ, വിശാഖം നക്ഷത്രവും ദ്വാദശിയിൽ പ്രദോഷവും ഒത്തുചേർന്ന ദിവസം പ്രഭാതം അഞ്ച് മണിക്ക് സമാധിയായി .

41 ആം വയസ്സിൽ സ്വാമിജി തന്നെ മുൻകൈയ്യെടുത്ത് ആശ്രമത്തിലെ ഗണപതി ക്ഷേത്രത്തിനടുത്ത് തയ്യാറാക്കിയ സമാധി പീഠത്തിലാണ് സ്വാമിജിയെ സമാധി ഇരുത്തിയിരിക്കുന്നത് … 22-06-2021 രാത്രി 10.30 നാണ് ആചാരപ്രകാരം യഥാവിധി സമാധി ചടങ്ങുകൾ നടത്തിയത് . സ്വച്ഛന്ദ സമാധിസ്ഥലമായ സ്വാമിജിയുടെ മഹാ തേജസ് ഇവിടെയെല്ലാം നിറഞ്ഞു നിൽക്കുന്നു…. 

പതിനായിരങ്ങൾക്ക് കാണപ്പെട്ട ദൈവം, കാരുണ്യത്തിൻറെ മൂർത്തി രൂപം,  ഒപ്പം ലോക ജീവിതത്തിൽ ഏതെങ്കിലും ഒരു സങ്കുചിത ഭാവമോ നിലപാടോ ഇല്ലാതെ, തുറന്ന മനസ്സുമായി ജീവിച്ച വ്യക്തി… ആത്മീയം ആയാലും ഭൗതികം ആയാലും ഒരു മനുഷ്യൻ എങ്ങനെ മറ്റുള്ളവർക്ക് ജീവിതം കൊണ്ട് മാതൃകയാകണമെന്ന് ഏറ്റവും നല്ല ഉദാഹരണം…..  മാനവ ജീവിതം മാധവ ജീവിതത്തിൽ അധിഷ്ഠിതം ആക്കി മാധവ ജീവിതത്തിലേക്ക് ഉയർന്ന മഹാത്മാവ്…..  

ഇനി ആ മഹാത്മാവ് ഒരു പ്രകാശമായി ലോകത്തെ മുഴുവൻ പ്രകാശിപ്പിച്ചുകൊണ്ട് മഹാ ദീപമായി സമാധി മന്ദിരത്തിൽ അണയാവിളക്കായി കുടികൊള്ളും… .